बातम्या

भारतीय दौऱ्यात चीनचे राष्ट्रपती शी जिनपिंग यांनी ‘महाबलीपूरम’ शहराची का निवड केली?

भारतीय दौऱ्यात चीनचे राष्ट्रपती शी जिनपिंग तमिळनाडूतील महाबलीपूरम येथे का आले? याबद्दल भारतातील जवळपास सर्वच माध्यमांत चुकीची माहिती सांगत आहेत. शी जिनपिंग हे इतिहासाचे अभ्यासक आहेत त्यांना भारतीय इतिहास चांगलाच ठाऊक आहे. भारतीय मीडिया त्यांचा संबंध मंदिराशी जोडतील किंवा इतर अंधश्रद्धा किंवा धर्माशी जोडतील पण खरं काही सांगणार नाहीत. शी जिनपिंग यांनी नेमकं महाबलीपूरम शहराला का भेट दिली याची माहिती आम्ही देत आहोत.

पंतप्रधान नरेंद्र मोदी आणि चीनचे अध्यक्ष शी जिनपिंग यांच्यात चेन्नईपासून km 56 कि.मी. अंतरावर असलेल्या महाबलीपूरम/मम्ल्लापुरम येथे दोन दिवसांची अनौपचारिक शिखर परिषद होणार आहे.

सुमारे १ हजार ६०० वर्षांपूर्वीचा ऐतिहासिक वारसा असलेल्या मल्लल्लापुरम किंवा महाबलीपुरम हे पल्लव राजे आणि चीन यांच्यात प्राचीन व्यापार संबंध होते. सातव्या शतकातील हेरिटेट बंदर म्हणून ओळखले जाणारे हे हेरिटेज शहर चीन आणि दक्षिण आशियामध्ये आयात आणि निर्यातीचे प्रवेशद्वार म्हणून काम करीत होते. हा चीनच्या रेशीम मार्गाचा देखील एक भाग होता.

पल्लव राजवंशाची पूर्वीची राजधानी आणि आता रेशीम शहर म्हणून प्रसिद्ध असलेले कांचीपुरम मूळतः चीनमधील रेशमी धाग्यापासून नाव आले असा समज आहे.

प्रसिद्ध बौद्ध चिनी भिक्खू ह्युएन त्सांगने राजा नरसिंहवर्मनच्या कारकिर्दीत इसवीसन ६४० च्या सुमारास कांचीपुरमला भेट दिली होती. राजा नरसिंहवर्मन यांना तमिळमध्ये मम्मला किंवा महान पैलवान असे म्हणतात. मल्लल्लापुरम शहराचे नाव हे नरसिंहवर्मन राजाच्या नावावरून पडले असून सध्या या शहराचे नाव महाबलीपुरम आहे

भारत आणि चीनमधील संबंध विशेषत: तामिळनाडूसोबत अधिक महत्त्वपूर्ण आहेत. पल्लवांनी आपला दूत इसवीसन सातव्या शतकाच्या आसपास चीनला पाठवला होता. चिनी प्रवासी ह्यूएन त्सांग हा समुद्राच्या मार्गाने कांचीपुरमला भेट दिली होती. तसेच या भागातल्या बौद्ध मठांच्या भेटीसाठी ह्युएन त्सांग ममल्लापुरमला गेला. हे क्षेत्र त्याकाळी बौद्ध धम्म भरभराटी करणारे केंद्र होते. अशी माहिती अलाप्पाप्पा विद्यापीठाचे पुरातत्व विभागाचे प्राध्यापक एस. राजावेलू यांनी सांगितले.

आज पंतप्रधान मोदी आणि शी जिनपिंग हे दोघे महाबलीपूरम येथील खडकात कोरलेल्या प्राचीन शिल्पकृती पाहणार आहेत. पल्लव यांच्या काळातील वास्तुकलेचा सुंदर नमुना आहे. तसेच चीनचे राष्ट्रपती शी जिनपिंग महाबलीपूरमचे प्रचीन कनेक्शन असल्यानेच दोन दिवशीय दौरा करत आहेत. भारतीय माध्यमात या गोष्टी का टाळत आहेत. हे आपण जाणून आहोतच..

पंतप्रधान मोदी आणि चीनचे राष्ट्रपती शी जिनपिंग हे शतकानुशतके भारत आणि चीन मध्ये असलेले जुने संबंध पुन्हा सुरू करण्यासाठी तसेच व्यापार, सीमाप्रश्न सोडविण्यासाठी योग्य ती चर्चा करतील.

5 Replies to “भारतीय दौऱ्यात चीनचे राष्ट्रपती शी जिनपिंग यांनी ‘महाबलीपूरम’ शहराची का निवड केली?

  1. ही वेब साईट मी आज पाहिली. बुद्ध इतिहासाची पूर्ण माहिती मिळते

Leave a Reply

Your email address will not be published. Required fields are marked *